昨日玩足全日，今日的行程就好簡單，就係爽完一間Resort ，再轉去爽另一間Resort。 點解要轉來轉去? 因為貪心，間間都想住下，海灘同POOL VILLA，兩樣都好想擁有。
MerPerle Hon Tam Resort
呢間MerPerle 硬件配套係一流。
早餐BUFFET 就係昨晚的海邊餐廳，佢既越南河味道好正。
泳池好大，有好多打卡的靚位。
海灘水清沙幼，仲有個海上浮床，又可以俾錢玩水上活動。
另一邊係Entertainment area，又有另一個大泳池。
剩係個海灘已經值回票價。
不過，呢間酒店有個好大的扣分位，就係佢日頭會有好多一日團，一同分享你的酒店設施!
所以如果你想係早上寧靜地係泳池邊休息嗎? 就不太可能了。
雖然成間RESORT 係好大，影相要避開一日遊大媽的人唔難，不過住Resort ，真係想舒舒服服享受下。如果想住呢間酒店，我會建議係9點半前游水，又或者中午食飯時間或4點後先再用公眾設施，咁就可以完全離開人潮了。
雖然美中不足，但為了呢個美景，我係會選擇再返黎呢個Resort~
中午12點check out，我地轉去另一間5星級的Resort
Mia Resort Nha Trang
呢個Reception area 真係非常不得了
Mia Resort 比MerPerle 的服務更加貼心，一到達就送上有welcome drinks and snacks
仲送左免費的咖啡劵及浮潛班。佢每日都有唔同的day tour 及活動可以參加，當然收費係越南黎講係貴啦，不過享受同服務態度又係正比既。
浮潛班好有趣，其實係酒店的泳池教你學習浮潛正確方法，而唔係出海睇魚 (爆)。
酒店好好服務，一上水就有人送上飲品及甜品，好多住客都會全日係太陽椅躺足一日。
而我地今晚住既就係2 bedroom pool villa. (HK$3800/晚連早餐) 係2間雙連的各有套廁的客房，中間有個大廳，然後再有一個向海的私人游泳池。
客廳
房間
房間的浴室
室外的Pool 、吊床及common area
我地游完水嘆完咖啡，就CALL 車去食海鮮大排檔 Quán Bảo Quốc - Hải Sản
呢到係漁港旁的小區，有幾間餐廳，很多本地人都係到飲酒食小菜。
我地都叫到成張小檯都係餸，最好食係花甲同炭燒魷魚!
飲飽食醉，埋單先係HK$270! 真係風味又抵食呀~ 3月初的天氣，吹住海風嘆海鮮，真係好開心寫意!
夜晚返到villa 仲可以出泳池睇星星呢，滿天星星仲睇到銀河架~
今日呢個無行程的一DAY，真係好滿足呀 (心心)
沒有留言:
張貼留言