小妹同大少長年都是HK EXPRESS 的忠實支持者，除了因為夠平，亦因為它有營運不少細地方的直航，也令我們踏足了塞班島、石垣島、還有今次的越南芽莊。
今次又遇上減價大優惠，早早就揀定了日子要2月尾去芽莊，避開了春節的人潮，希望可以係雨量最少，最岩旅遊的季節享受下美麗的陽光海灘。
Day 1: UO566 14:50 - 16:10
香港去越南真係好方便，大概2小時的機程，很快就到了陽光海灘的好地方。
去越南是芽莊的機場算很新，過關還好，人潮不算過多，不過仍是要辦理落地簽證 (以及付小費)，小費是關員明目的收取，就好像fast pass，收每人5USD，如果不給小費就要慢慢等，為了省時我們一早決定入鄉隨族，落機後快快趣大概45分鐘就可以離開機場了。
一早BOOK 好了司機接機，市區離機場大概40分鐘車程，我們第一天的行程就是出市區旅遊區酒店，食飯，閒逛!
去到市區旅遊區，感覺真的和市區很不同，沿路都是海灘，每間海邊酒店都有私家專屬的躺椅，我們今次未有時間去市區的沙灘玩，不過沿途經過已經很賞心悅目。
第1晚入住的酒店是Starcity Nha Trang
只要HK$400 一晚 (不含早餐)，仲送了30分鐘免費的foot massage! 真係好抵。
房間又新又大，仲有大海景，不過唯一缺點是樓下對正海邊的Sailing Club，
是一個大型酒吧，晚上的音樂很嘈直到半夜2點 (救命)。
如果你會蒲而2點後先訓覺的話，呢間酒店真係首選!
簡單梳洗後即刻出去覓食，酒店周圍有許多的海鮮餐廳，我地隨意揀左附近間叫 The Local 4 的餐廳，意外地真係又平又好食!
炒聖子係見到人地叫我地又點, 收費係40萬盾1kg，4人分每人都分到成10隻，係香港呢個價錢真係食唔到。
另外海鮮粥都係必食，非常足料香甜! 反而串燒很大份但肉很鞋口，唔好食。我地發現芽莊都係食海鮮最好。
晚上按完腳，再食埋crepe 甜品，大家早早休息迎接明早的珍珠島一日遊!
芽莊的市區旅遊區，其實真係無野好行，同泰國唔同，完全係無咩野睇，路況亦唔算非常好，只有零碎賣遊客用品的攤檔。所以我會建議大家，如果預算許可，不如多D 時間留係resort，或者只留一天住市區旅遊區酒店食下飯按摩下就夠。
沒有留言:
張貼留言