第2日係我非常樂而忘返的行程，就係去珍珠島樂園 Vinpearl Land!
珍珠島樂園位於竹島的一座度假村裏佔地超過3萬平方米，設施包括: 水上樂園/海上遊樂設施/機動遊戲/免費室內遊機戲中心/海洋及動物館。這裡有東南亞最大的水上樂團，同時它還擁有長達700米長的私屬海灘，以及世界上最長的跨海纜車。
簡單黎講，珍珠島樂園係一個有海灘有水上樂園超好玩但又少好多人的海洋公園!!
我地一早起身就去左買早餐食，就係2萬盾一個便宜又好味的越南法包啦~
越南法包真係外脆內軟，甜甜辣辣，係旅遊區都買到2萬盾 (HK$7) 一個，真係好抵!
食完早餐我地先出發去晚上入住的Merperle Hon Tam Resort 的碼頭check in 寄存行李，然後再行去大概10分鐘距離的珍珠島纜車站。
珍珠島樂園的門票我在Klook 預先訂好，HK$288 一張，要到樂園門口換票，可以由早玩到晚。我們大概早上9點去到纜車站，已經有很多遊客及旅行團在排隊。
等了又等，幸好天氣涼爽，大概1小時就輪到我們上車了。
可能因為是淡季，每樣機動遊戲都不用太需要排隊，任玩真係好爽。
而我們今次的主要行程就係去玩水上樂園!! 可以租locker 又有更衣室浴室，非常方便。
水上樂園有超級大的海上充氣浮床陣，而海灘的水質亦非常靚，清到會見到魚游過架。
由於邊玩邊用Go Pro影，相唔係影左好多，但現場真係好大好多野玩，一班FD玩，淨係浮床陣都可以玩成兩粒鐘啦~ (所以女士防曬真係要做足呀)
好剌激的2人水泡滑水梯
滑水梯都有好多款，亦有細個好鐘意玩的浮浮下大水泡同沖浪樂園。
如果你細個都鐘意玩水上樂園，呢個加強海灘版真係童年回憶返晒黎呀。
食埋Lunch 玩到3點，其實都未玩晒，不過人就曬到熱晒睏睏地，都係不如沖身休息下。
玩完室外就轉戰室內的遊戲機中心。
呢到D GAME 有D舊，遊戲機可能有少少壞，但係，佢係完全免費任玩架!!
一樣可以玩跳舞機，賽車，打氣墊球，仲有個彈床區呀~ (免費免費免費)
臨走我地玩埋排最耐隊的人手控制滑行車，雖然都排左成個鐘，但都有玩到差唔多5分鐘，
佢係1-2人一架車
會送你上去最高點，再自己控制速度滑行返落去
沿途再睇晒成個樂園的景色，真係好值得一試。
玩到6點到，曬完一日其實已經好累了，夜場我地就投降了。其實仲有3個園區未去過 (植物園，動物園，其他機動遊戲)，如果想全部玩齊晒，真係要去2日1夜先足夠。
夜晚樂園會亮燈，好靚。我相信呢一個樂園，真係一個大人細路都會鐘意的地方。
離開樂園，我地返去碼頭搭酒店的接駁船去Merperle Hon Tam Resort (HK$1300/晚連早餐)
接駁船的船期是一小時一班，一落船就有golf 車接你去villa
我地住的villa 浴室又大又靚，美中不足係熱水未夠熱去浸浴。
玩完一日咁肚餓，當然要去酒店的海邊餐廳到食餐飽啦。
羊架質素係不錯，不過叫左個牛扒係....大伏。 我諗，芽莊都真係食返海鮮好D，或者叫下PIZZA 意大利粉，食牛扒呢D，都係唔好太挑機好 (抱頭走)。
沒有留言:
張貼留言